ماں بولی پنجابی

ماں بولی پنجابی

اج ماں بولیاں دا عالمی دن اے تے سب نوں چاٸی دا اے اپنا فرض سمجھدیاں ہویاں اپنی ماں بولی واسطے ضرور کوشش کرن کے پوری دنیا وچ تاڈی اپنی پہچان اپنے فخر اپنی ماں بولی ہوۓ۔ساڈی قومی زبان اردو اے تے اسی اینے سوشل ہو گے آں کے ماں بولی چھڈ دتی اپنی رسم رواج چھڈ دتے اسے اینے سوشل ہوگے آں کے سانوں اے وی نٸ پتہ ساڈی اصل بولی ہے کیڑی۔؟ او قوماں قوم نٸ ریٸاں جناں نے اپنی ماں بولی پُلا دتی تے اپنے آپ نوں ودشی رنگ وچ رنگن دی ناکام کوشش کیتی۔

ساڈی ماں بولی جیڑی وی ہوۓ۔پنجابی۔پشتو۔بلوچی۔سندھی۔گوجری۔ہندکو۔سراٸیکی۔پوٹھوہاری۔کشمیری۔گلگتی۔کوہستانی۔یا اردو۔ ساڈا فخر اے۔اسی ہر زبان وچ ادا ہون والے میٹھا بول محسوس کر لیندے آں تے محبت دی چاشنی ساڈے سارے وجود وچ رچ وس جاندی اے۔میرا فخر میری ماں بولی پنجابی کیونکہ میں پنجاب دھرتی تے جمیا تے پنج دریاواں نال کھیل کے وڈا ہویا پنڈ وچ چلونگی وچ وی چوٹے لے فیر نورانی قاعدہ وی پڑیا تے سکول وچ سلیٹ تے سوال وہ ہل کیتے فیر تختی تے املا لخی او ای تختی جدے تے مینو کوٸی پورنے پادے تے میں لخ لیندا سی فیر آپ لخیا گاچی نال تختی پوچی وی تے جے کوٸی نا دیخدا ہوۓ تے گاچی کھادی وی۔

تے فیر او ویلا وی آیا جدوں ہیر وارث شاہ پڑی بابے بھلے دا عشق وارد وی ہویا فیر جدوں عشق اندر رچ وس گیا تے میاں محمد بخش دی سیف المکلوک چک کے سینے لا لٸ تے خواجہ غلام فرید ہوناں عشق حقیقی دا دسیا فیر سلطان باہو نے ہو ہو ہو کر دتا تے فیر جا ڈگیا بابے فرید پاکپتن دے بوے تے کدی عشق دی راہ تے رانجھے دی ونجلی وی وجاٸی۔

پر اک گل ہوٸی او اے کے ماں بولی نےاپنی گودی وچوں نٸ کڈیاں تے دویں ہتھ سر تے رکھ کے پیار دیندی رٸی ماں دی شفقت تے پیار نے اندر روشن کیتی رکھیا تے کدی ساتھ نٸ چھڈیاں اوکھا سوکھا ویلا بڑا آیا پر لنگ گیا

اج ساڈے ویر اپنی ماں بولی پُل گۓ ماں بولی دے نال نال اپنا رہن سہن وی بدل دتا تے نا سانوں کوٸی پہچان سکیا تے نا ساڈی اپنی کوٸی پہچان باقی رٸی۔

میں سمجھدا واں کچھ زیادتیاں ساڈے دیس دے ٹھیکداراں ولوں وی نے جناں اپنی حکومتاں دی فکر وچ رسم روج علاقاٸی کھیڈاں تے رہن سہن ول توجہ ای نٸ دتی۔

میرا اک شکوہ اے ساڈے سوہنے ملک پاکستان وچ سب توں زیادہ بولی جان والی زبان پنجابی اے جیڑی 60% اے تے فیر وی پنجابی نوں پزیراٸی حاصل نٸ۔جد کے ہماسیہ ملک ایران اودے وچ فارسی بولن والے 53% نے تے او فارسی اسٹیٹ اے۔

ایتھے ساڈی ماں بولی دا اے حال کیوں۔؟ زمدار کون۔؟

میری آپ سب دوستوں سے اپیل ہے کے آپ جو بھی زبان بولتے ہیں آج ایک پوسٹ اپنی ماں بولی زبان میں لکھ کر اپنی فیس بک وال پہ لگاٸیں گروپس میں شیٸر کریں تاکہ اپنی ماں بولی کی پہچان کروانے اسے کھویا ہوا وقار واپس دلانے میں کچھ تو ہم سب کا حصہ بھی شامل ہو۔

تیرے دجلے فرات وی ہوسن

ہاۓ اوۓ میرے پنج دریا۔

میرے دیس تے مالکا نا اترے کوٸی عزاب

تیرا وسے کعبہ سوہنا میرا وسدا رے پنجاب

سندھ راوی ستلج جہلم تے چناب ہونا چاٸی دا

دنیا دے ہر کونے وچ اک پنجاب ہونا چاٸی دا