لیپہ ویلی Lipa Valley

لیپہ ویلی

اگر آپ اسلام آباد ہیں تو مظفرآباد مری ایکسپریس وے کا انتخاب کریں براستہ کوہالہ اور مظفرآباد پہنچتے ہی دو میل پل سے آگے داٸیں جانب دریا جہلم کے کنارے شاہراہ سری نگر کا انتخاب لیپہ پہنچنے کا واحد حل ہے ۔۔مظفرآباد سے لیپہ کا سفر 88 کلومیٹر ہے اور اسلام آباد سے 200 کلو میٹر ہے. شاہراہ سری نگر کے راستے میں آپ جہلم ویلی کے مختلف خوبصورت علاقوں کا لطف اٹھاتے ہوے جب ہٹیاں پہنچیں گے تو ہٹیاں مین بازار سے دس منٹ کی مسافت پر آپ کو باٸیں جانب نیلی پل کی طرف رخ کرنا ہوگا ۔ان خوبصورت علاقوں سے ہوتے ہوے آپ تین چار گاوں کراس کر کے ریشیاں پہنچ جائیں گے۔۔۔ریشیاں سے آگے دو راستے لیپہ کے لیے نکلتے ہیں ایک راستہ داوکھن سے ہوتا ہوا موجی لبگراں تک آپ کو آسانی سے لے جاہے گا یہ روڈ مکمل پختہ اور آرام دہ ہے ۔لبگراں سے آگے کرناہ کا وہ علاقہ ہے جو انڈیا کے قبضے میں آہ جاتا ہے ۔تقسیم سےپہلے یہ کرناہ ایک ہی تحصیل ہوتی تھی

وزارت مظفرآباد کی جس میں نیلم بھی شامل تھا اور اس کا تحصیل ہیڈ کواٹر ٹیٹوال تھا جو مقبوضہ کشمیر کرناہ میں ہے اور باقی آگے وہاں سے نیلم آ جاتا ہے تقسیم سے پہلے یہی راستہ سب سے آسان تھا مظفرآباد پہنچنے کے لیے ۔لیکن مقبوضہ علاقہ چونکہ بھارتی قبضے میں ہے تو ہمیں متبادل راستہ ڈھونڈنا پڑا جس کا زکر اوپر کیاگیا ہے۔ جو کہ ہمیں کافی مشکل بھی پڑتا ہے ۔

اور سردیوں میں برف کی وجہ سے روڈ کا نام نشان بھی نہیں ہوتا تو کوشش کریں لہزا آپ مئی سے اکتوبر کے درمیان لیپہ ویلی آسانی سے آ سکتے ہیں یہ سب سے اچھا موسم ہوتا ہے ۔۔اب آتے ہیں ریشیاں سے دوسرے راستے کی طرف جو ریشیاں سے برتھواڑ گلی سے ہوتا ہے ہوا لیپہ منڈل کے مقام پر آپ کو وادی میں داخل کرواتا ہے اور راستے میں بے حد خوبصورت مقام آپ کی روح کو تسکین دیں گے۔۔وادی میں داخل ہو کر آپ کو بے پناہ خوبصورت مقامات دیکھنے کو ملیں گے ۔کیسرکوٹ گاٶں کا نظارہ اتنا حسین کہ آنکھیں کھلی رہ جاٸیں

منڈل سے پانچ منٹ کی مسافت کے بعد کیسرکوٹ میں ایک چوک آۓ گا جس کا نام ٹنل چوک ہے اس سے داٸیں جانب وادی کا وہ حصہ ہے جس کی خوبصورتی کی کوئی مثال نہیں نوکوٹ کے سرخ چاول کے کھیت ایک دیدنی منظر ہے ۔۔۔۔۔

اور وہاں سے آگے چننیاں جہاں سے نالہ قاضی ناگ ہے۔ٹھنڈے میٹھے چشمے اور گھنے جنگلات لیپہ ویلی کی خوبصورتی کو اور بھی دو بالا کرتے وہاں سے آگے منڈاکلی اور کلی منڈل ایسی خوبصورت جگہیں جہاں آپ با آسانی کیمپنگ کر سکتے ہیں۔۔۔

ایسے گھنے جنگلات اور میدان ہیں جن کی وجہ سے کشمیر کو جنت کہا گیا ہے ۔۔روڈ کی حالت اتنی اچھی نہیں لیکن موٹر سائیکل اور جیب کا انتخاب سب سے بہترین رہے گا ۔۔باقی وادی کا دوسرا حصہ لبگراں تک اور بجلدھار تک ہے اور ان دونوں گاٶں سے آگے مقبوضہ کشمیر کے علاقہ کرناہ شروع ہو جاتا ہے۔۔

ٹنل چوک سے آپ باٸیں جانب جاٸیں تو آپ کو پانچ منٹ کی مسافت پر لیپہ بازارنظر آۓگا جہاں آپ کو ہوٹل اور دوسری کھانے پینے کی ساری چیزیں مل جاٸیں گی اور اپ کا یہ سفر مظفرآباد سے لیپہ ویلی تک کا تقریباً پانچ سے چھ گھنٹے میں مکمل ہو جائے گا ۔۔لیپہ ویلی کو اللہ تعالی نے بے شمار نعمتوں سے نوازا ہے اور وہاں کے لوگ کافی مہمان نواز اور عزت کرنے والے ہیں ۔ ریٹ بھی مناسب ہیں حالانکہ اتنا دور دراز ہونے کے باوجود اچھی اور سستی رہاہش مل جاۓگی ۔اور کھانے پینے کی چیزوں کے مناسب دام ۔لیپہ ویلی کا سفر ضرور کریں انشااللہ ایک اچھا تجربے رہے گا آپ کی زندگی میں.

لیپہ ویلی کی مہمان نوازی، کشمیری طرز تعمیر کے حامل لکڑی سے بنے ہوئے گھر، چاول کے طے دار لہلہاتے کھیت، دیسی ساختہ چاول اور آٹا کی پن چکیاں، ذائقہ دار سیب اور اخروٹ، ٹھنڈے اور میٹھے پانی کے چشمے ہر طرف آپ نہیں بھولیں گے. اگر آپ مزہبی عقیدت رکھتے ہیں آپ تریڈاہ شریف حضرت سائیں مٹھا بابا سرکار کے دربار پر بھی جا سکتے ہیں جو بالکل لائن آف کنٹرول پر واقع ہے.